Kongroa heng i nettet sitt oppe på bøkanten ved avkøyrsla til Haugen. Den er laga av stoff fylt med vatt og pynta med paljettar og effektgarn. Nettet er hekla av bomullstråd. Kunstverket er laga av Gunvor Haugen.

Andre kunstverk som fekk hederleg omtale av juryen var «Da gaor i badl» av Wigdis Våtevik og medhjelparar og «Bøying med høgdeskrekk» av Aamund Mundal. I juryen sat kutursjef i sogndal kommune, Maryan Mundal, fylkesordførar Nils R. Sandal og festivalkunstnar Oddleiv Apneseth.

Hjartans takk til Jo Marius Bøyum for ideen, André Øygard som ofra ein ball, og alle andre som hjelpte til med dette verket.

Men ein ting manglar me: Nok korpsmusikarar! Mange av korpsa i nærområdet har ikkje vore klare til å ta imot den gåvepakka Rundballefestivalen er for å få sparka i gang korpsåret, og difor er me litt for få. Spelar du sjølv, eller kjenner du nokon som spelar? Kontakt oss, og bli med. Hiv dykk rundt, store og små!

Neste film er frå hundegruppa i Fjærland, som har drive aktiv trening rundt ballane. Takk til Siv Reinen, Maria Langhelle, Arild Johannes Sandvik, Hege Våtevik, Stian Årdalsbakke og Line Reinen for dette bidraget:

Takk til dykk alle! Og det er framleis plass til fleire – send oss ein epost (post alfakrull rundballefestivalen punktum no) og sei frå om de har laga ein! Les reglane, bruk fantasien, og lukke til.

Olav Arnar Bø held fyrste del av seminaret. Han vil ta føre seg alt som er med å påverke kjøtkvaliteten frå kalvane er fødde til storfekjøtet er servert. Olav Arnar Bø er sivilagronom med studieretning allsidig jordbruk. Han har vore lektor på Sogn Jord- og Hagebruksskule i ei årrekke og har m.a skrive lærebøker om økologisk plantekultur. Sidan 1989 har han drive økologisk gard i Vik og driv og verksemda Vik trafokjøt.

Kurs i mjølkesmaking

Mjølkesmaking er ein vitskap, men kunnskapen har hittil vore forbeholdt dei profesjonelle mjølkesmakarane ved meieria som testar mjølka før den går i produksjon. For å spreie kunnskap om mjølka sine smakskvalitetar har Rundballefestivalen i samarbeid med Tine utvikla eit kurs der du får ei innføring i denne edle kunsten og mjølkesmakinga sine løyndommar vert avdekte.

På kurset, som vert halde av Ivar Halland og Norunn Uvedal frå Tine,  får du rettleiing i korleis du skal smake på mjølka, kva kvalitetar ein skal vere merksam på, og kva faktorar som kan gje ulik smak på mjølka. Dette er eit praktisk kurs med smaksprøvar og blindtesting, så her skal det både spyttast og skolast mellom prøvane! Du lærer kva god mjølk skal smake, og kva smakar ein ikkje vil ha. All mjølk som vert servert er pasteurisert, men labteknikarar hjå Tine har smakssett prøvar med ulike  smakar for å få fram døme på det som aldri kjem i butikken.

Etter det vi kjenner til har det aldri før vore arrangert kurs i mjølkesmaking, og Rundballefestivalen konstaterer nøgd at ein nok ein gong bringer nye tankar inn i landbruksdebatten.

Av praktiske omsyn er det avgrensa tal plassar på kurset, så meld deg raskt på til Hotel Mundal.

Tlf 57 69 32 04 epost: post@hotelmundal.no

Les også oppslag hjå NRK Sogn og Fjordane